Shayari's World

Maa Is Naam Se Meri Rooh Ruk Jaati Hai,
Chooti Hai Tu Mere Maathey Ko Jagg Ki Duvayen Saari Mujhe Lagg Jaati Hai,
Itna Pyaar Tu Kyun Mujhse Karti Hai Meri Maa,
Door Hun Tujhse Aankhen Ashko Se Meri Bhar Jaati Hai,
Tere Dil Main Jo Dil Hai Kisi Mandir Main Nahi Milta,
Tere Naam Se Meri Pooja Ho Jaati Hai.
Maa.

Tera Daant-Na Mujhe Aksar Hasa Deta Hai,
Rota Hun Main Chip Chip Ke Jab Kabhi Yaad Tu Mujhe Aati Hai.
Yaad Kar Thaama Tha Tune Kabhi In Nanhe Haathon Ko,
Muh Se Jabb Bhi Mere Maa Ki Aawaaz Aati Thi,
Wo Mera Roothna Thoda Zidd Karna Bhi Tujhse,
Kis Tarah Phir Teri Jaan Nikal Jaati Thi,
Haan Hun Main Ab Bada Samajhta Hun Harr Baat Ko,
Par Saamne Tere Meri Baat Ab Bhi Bachho Ki Kahi Jaati Hai.

Jaanti Hai Tu Main Rakhta Hun Tasveer Teri Saath Mere,
Jis Tarah Tu Mujhe Apne Dil Main Basaati Hai,
Yaad Karta Hun Tujhe Main Harr Nivaale Se Pehle,
Mere Liye Tu Khaas Khaana Banaati Hai,
Rakhti Thi Tu Khayaal Mera Rakhti Thi Khayaal Samaan Ka Bhi,
Tere Bin Sach Kahu Ab Meri Zindagi Bikhari Kahi Jaati Hai,
Jaanta Hun Main Ki Karr Nahi Sakta Main Pyaar Tujh Jitna,
Isliye Hi To Tu Yahan Maa Kahi Jaati Hai.

Karr Mujhe Tu Maaf Harr Khata Yahan Meri Hi Thi,
Bete Se Bhi Naa Kabhi Naaraazgi Rakhi Jaati Hai,
Tu Hai Maa Kar Degi Maaf Mujhe Harr Damm,
Isliye Khuda Se Badi Tu Kahi Jaati Hai,
Rakh Mere Sir Pe Haath Choom Ab Maathey Ko Mere,
Teri Chuvan Se Jaane Kyun Meri Peeda Kamm Ho Jaati Hai.

Dekh Maa De Raha Hun Aawaaz Tujhko,
Harr Ghar Main Mujhe Bas Maa Tu Nazar Aati Hai,
Dekhna Usi Raste Se Main Waapis Zaroor Aaunga,
Jis Raste Pe Harr Takk Tu Aankhen Bichaati Hai,
Yeh Dard Tera Hai Maa Mera Bhi Hai,
Par Main Kuch Bhi Nahi Tu Maa Kahi Jaati Hai.